Litt om meg sjølv

Eg blei født i 1966. Oppveksten foregikk for det meste på Vartdal, ei bygd i Ørsta Kommune på Sunnmøre.

I 1993 blei eg ferdig med diplomøkonomstudiet ved BI i Ålesund. Eg arbeidde deretter i byen; Først fleire år i møbel- og byggevarebransjen, deretter korte arbeidsoppdrag i bilbransjen og avisbransjen.

I august 2001 gikk eg tilbake til skulebenken og er no utdanna Siviløkonom frå Norges Handelshøyskole i Bergen. Fra årsskiftet 2004/2005 kom eg tilbake til Ørsta og arbeid for Helkama Grepa AS. Produksjonen i bedrifta ble nedlagt den 30. juni 2008. Eg var blandt dei som fekk vere med på avviklinga av drifta og oppryddinga i fabrikkbygninga. Eg hadde så eit vikariat for SafeRoad, så arbeidde eg for Mørenot Dyrkorn i Ålesund. Den for meg lange avstanden mellom Ålesund og Ørsta gjorde at eg leigde ein hybel i Ålesund denne tida. No arbeider eg for Ørsta kommune.

Mykje av mi tid blir brukt til arbeid framfor ein dataskjerm. Privat har eg en berbar PC. Den blir brukt til Internett og enkel programmering.

Mine heimesider

Heimeside har eg hatt siden 18.8.1996. Denne adressa (www.AreBerg.no) blei klar i november 2001. Sidan starten har sidene hatt fire forskjellege adresser. Tre av adressene utan at eg bytta abonement; først Schibsted Nett (SN), så Scandinavia Online (SOL), deretter Telenor Online (Online) og no (til slutt) altså på mitt eige domene. Ein av grunnane til at eg kjøpte domene, var at no kan eg ha heimesider på den same adressa fremover. Det gjer det også mogeleg å byte lagringsplass utan at adressa blir endra. E-postadressa min har skifta like mange gonger som heimesida. Gjeldende e-postadresse står nederst på denne sida.

Når ein vil opprette eit .no-domene, må ein først søke om å få bruke eit bestemt namn. Selskapet Norid har som oppgåave å halde oversikt over alle .no-domener, men dei godtek ikke at kven som helst søker om retten til å bruke eit namn. Som kjøpar må ein derfor velje ein registrar som bindeledd mellom eigar og Norid for søkeprosessen. All kommunikasjon med Norid må gå igjennom ein registrar så lenge ein vil behalde namnet, men det er mulig å byte registrar når ein vil.

Heimesidene mine ligg nå fysisk lagra på ein server hos den hosten eg brukar. Før november 2004 hadde eg berre statiske HTM-dokumenter på sida. Fra slutten av 2004 har eg også hatt Internett-programmer på den same serveren. Programma er no skrevne i programmeringsspråket php og data er lagra i databaseprogrammet MySQL.

Eg har valt å ikkje nytte rammer på denne sida, eller på undersidene, siden eg meiner dei blir lettare å lese då. Spesielt for dei som har små skjermar eller brukar telefonar til surfinga.

Nokre av mine interesser:

• Datamaskiner, Internett og dataprogramm.
• Trening; Mens eg tidlegere bodde i Ørsta, trente eg ved eit treningssenter om vinteren og gikk turar i fjell og dal på sommerhalvåret. Innetreninga blei helst spinning og lett styrketrening ved treningssenteret ToppTrening. Mens eg bodde i Bergen trente eg ved Studentidretten i Bergen mest spinning. Førre gong eg bodde i Ålesund, trente eg ved Spjelkavik Treningssenter; Spinning og styrketrening i sal (Body Pump) og Pulssenteret. Dei er no begge oppkjøpte av Sprek365. Når eg no bor i Ørsta igjen, trenar eg på stovegolvet og med å gå turar i naturen.
• Friluftsliv; Likar å gå fjellturar og dreiv paragliding 1990 til 1999.
• Pistolskyting; Eg gjennomførte begynnar-/sikkerheitskurs i februar 2009 og går ofte på trening i lokala til Ørsta/Volda Pistolklubb. Eg har kjøpt finkalibra pistol (kulediameter 0,22 tommer eller 5,6 mm) til øving og konkurransar på innebaner og noko litt grovare skyts til bruk på skytebaner ute. Mange av medlemmane i klubben deltek vinterhalvåret i den interne vintercupen. Resultatlista er utforma slik at medlemmane kan sjå sine beste resultat år for år eller alle resultata i ein sesong etter skytedato.
• Sjølvutvikling; Har lært om samanhengen mellom kroppsform og korleis ein lever livet (de fem egomønstrene) hos Hjerterommet. Har hatt stor nytte av å lese ei bok med tolkning av innhaldet i eventyret om Jernhans i utviklinga min så langt. Har også lese ei bok om tankens kraft av Louise L. Hay. Etter råd fra ein kvinneleg healer har eg lese ei bok av Deborah Tannen om forskjellar på menn og kvinner sine typiske måte å snakke på. Har også lese boka Menn er fra Mars Kvinner er fra Venus av John Gray.
• Teikneserier; Eg har gjennom fleire år vore en "lidenskapeleg" samlar av tegneseriebladet Fantomet. Under studiet i Bergen, tok eg til på eit dataprogram for tegneserieblad. Sidan det har programmet vore oppdatert og er framleis tilgjengelig på desse sidene. Ved hjelp av programmet kan alle som vil, halde oversikt over sine bladsamlingar på Internett. Vidare har eg laga ei liste med opplysningar om nokre Fantomet-årganger.
• Børsspekulasjon; Eg er den lykkelege eigaren av nokre andelar i aksjefond, og besøker Oslo Børs med jamne mellomrom for å sjekke statusen.
• Meditasjon; Har lært meditasjonsforma The Ishaya's Ascension ved å delta på eit kurs i Bergen våren 2004. Mens eg bodde i Bergen, hadde vi regelmessige møter der vi mediterte med denne teknikken.
• SuDoku; Sommaren 2005 ble eg hekta på SuDoku - tidsfordrivet der ein skal fylle ut tala 1 til 9 nedover, bortover og i 3x3 boksar. Eg løyser brett ved å skrive eit tall først når eg er sikker på at talet er riktig plassert.
  
  Når eg løyser eit enkelt brett, fyl eg tala direkte inn i oppgåva. Vanskelegare brett prøver eg å løyse ved først å finne alle tal som kan være i kvar enkelt rute. Etter kvart som eg fyl ut brettet, stryk eg over lovlige tala. Eg har lagt ut eit dataprogram som viser oppgåver med dei mogelege tala. Programmet er opplagt slik at oppgavene og dei mogelege tala også kan skrivast ut og løysast på papir.
• Båtturar, fiske; For tida er eg utan båt, da vi selde snekka til ein heldig volding den 30.04.2000. Den første veka av sommarferien 2006 var eg på ei vekes båttur saman med venar. Turen ble gjennomført i ein Myra 750 med namn SOL.
• Dykking; Tok dykkersertifikat mai 1998, men har ikkje vore særlig aktiv i den sporten.

Mine favoritt-lenkjer for tida

• Ørsta kommune.
• Søkemotoren Google.
• Nyheter: Mørenytt, Aftenposten eller Dagens Næringsliv.

Desse sidene blir oppdaterte med (u)jamne mellomrom. Sist 11.1.2026.
E-post til meg kan sendast til post$areberg.no For å unngå spam, har eg bytta ut @-en i adressa med $.